Ka zgjatur vetëm disa orë arratia e 17 vjeçarit A.Gj. në Laç, i cili plagosi me pistoletë një 15 vjeçar në ambientet e jashtme të gjimnazit të qytetit.
17-vjeçari A.Gj. u arrestua në një banesë të braktisur, ku qëndronte i fshehur prej mesditës, kur u shënua dhe ngjarja.
A.Gj. qëlloi me armë 15-vjeçarin L.Rr, të dy nxënës të gjimnazit, pas një konflikti, i cili tashmë ndodhet në spital jashtë rrezikut për jetën.
Grupi hetimor nën drejtimin e Prokurorisë së Rrethit Gjyqësor Kurbin, vijon hetimet për zbardhjen e plotë të rrethanave të ngjarjes.
A2news.com