![Kukes-kandidati-socialist-feston-fitoren-e-bashkise-me-flamurin-Autochthonous-1280x720.jpg Kukes-kandidati-socialist-feston-fitoren-e-bashkise-me-flamurin-Autochthonous-1280x720.jpg](https://fv.al/data/attachments/538/538760-85526a45f0f18518351ca17f87318508.jpg)
Socialistët kanë festuar në Kukës fitoren e bashkisë në zgjedhjet e parakohshme vendore që u zhvilluan pas arrestimit të Safet Gjicit.
Kandidati Albert Halilaj është ngritur peshë nga simpatizantët socialistë dhe është përshëndetur me brohoritma. Më pas, ai dhe i dërguari i Partisë Socialiste për zgjedhjet në Kukës, Pandeli Majko, kanë pozuar me flamurin “Autochthonous”.
Sipas të dhënave të KQZ-së, Halilaj siguroi 13 025 vota ose 63.67% të votave ndërsa kandidati i “Bashkë Fitojmë”, Emri Vata, arriti të sigurojë vetëm 7431 vota, ose 36.33%.
![KQZ-1178x720.png KQZ-1178x720.png](https://fv.al/data/attachments/538/538761-095b7968793abf07bd6e26d873a402d6.jpg)
Partia Demokratike zyrtare nuk paraqiti asnjë kandidat duke bërë unifikim të votave të opozitës, por kjo nuk mjaftoi, pasi Halilaj fitoi me mbi 4 mijë vota diferencë kundrejt kandidatit të opozitës, Emri Vata.
Pjesëmarrja në këto zgjedhje ishte me e ulët se më 14 maj, rreth 7% më pak, por nuk pati asnjë problem apo incident të shënuar.
Kur numërimi nuk kishte përfunduar ende, kryeministri Rama e quajti fitore shembullore atë të ish-prefektit të qarkut, Halilaj. “Flet qartë për besimin dhe për pritshmërinë e qytetarëve kuksianë ndaj nesh, si edhe për detyrimin tonë të madh ndaj tyre, për të bërë shumë më shumë akoma për Kukësin”, tha Rama.
A2news.com